അന്താരാഷ്ട്ര മ്യൂസിയം ദിനത്തോട് അനുബന്ധിച്ച് ഭാരതീയപുരാവസ്തു വകുപ്പ് കൊച്ചിയിൽ ചിത്ര പ്രദർശനം സംഘടിപ്പിച്ചു

കൊച്ചി, മെയ്‌ 18,2022

കൊച്ചിയിലെ മട്ടാഞ്ചേരി പാലസ് മ്യൂസിയത്തിൽ ഭാരതീയപുരാവസ്തു വകുപ്പ്  തൃശൂർ സർക്കിളിന്റെ ആഭിമുഖ്യത്തിൽ  അന്തർദേശീയ  സംഗ്രഹാലയദിന ആഘോഷങ്ങൾ നടന്നു.പരിപാടിയുടെ ഭാഗമായി കുട്ടികൾക്കായുള്ള ചിത്ര രചനാ മത്സരവും ‘ഇന്ത്യൻ മ്യൂസിയങ്ങളും സ്വാതന്ത്ര്യസമരവും’ എന്ന വിഷയം ആസ്പദമാക്കി ചിത്രപ്രദർശനവും സംഘടിപ്പിച്ചു. “മ്യൂസിയങ്ങളുടെ ശക്തി’ എന്നതായിരുന്നു ഈ വർഷത്തെ ചിന്താവിഷയം. 

 ശ്രീ.കെ.ജെ.ലൂക്ക്,ഡെപ്യൂട്ടി സുപ്പീരിന്റെണ്ടിങ്    ആർക്കിയോളോജിക്കൽ എഞ്ചിനീയർ, ഭാരതീയപുരാവസ്തുവകുപ്പ് അധ്യക്ഷനായ ചടങ്ങിൽ ന്യൂഡൽഹിയിലെ നാഷണൽ മ്യൂസിയം ഓഫ് നാച്ചുറൽ ഹിസ്റ്ററിയുടെ മുൻ ഡയറക്ടറും ഇന്ത്യൻ മ്യൂസിയത്തിന്റെ (കൊൽക്കത്ത) മുൻ ഡയറക്ടറുമായ ഡോ. ബി.വേണുഗോപാൽ  ഉദ്ഘാടനവും ‘മ്യൂസിയങ്ങളുടെ ശക്തി ‘എന്ന വിഷയത്തിൽ മുഖ്യ പ്രഭാഷണവും നടത്തി.