ന്യൂഡല്‍ഹി:ക്രിസ്മസ് -പുതുവത്സരം മുന്നില്‍കണ്ട് വിമാന കമ്പനികളും, ബസ് ഓപ്പറേറ്റര്‍മാരും ടിക്കറ്റ് നിരക്ക് കുത്തുന്ന വര്‍ധിപ്പിച്ചിരിക്കുന്നത് കാരണം നാടുകളിലേക്ക് മടങ്ങാന്‍ കഴിയാതെ പ്രയാസപ്പെടുകയാണ് കേരളത്തിന് പുറത്ത് പഠിക്കുന്ന വിദ്യാര്‍ത്ഥികളും, പുറമേ ജോലിചെയ്യുന്ന ആളുകളും.ഡല്‍ഹിയില്‍ നിന്നും കേരളത്തിലേക്കുള്ള ഏറ്റവും കുറഞ്ഞ വിമാനയാത്ര നിരക്ക് ഇരുപതിനായിരത്തിനും മുകളിലാണ്.
ഫെസ്റ്റിവല്‍ സീസണ്‍ ആയതുകൊണ്ട് തന്നെ ട്രെയിന്‍ ടിക്കറ്റുകളും ലഭിക്കാനില്ല.ബാംഗ്ലൂരില്‍ നിന്നും കൊച്ചിയിലേക്കുള്ള ബസ് യാത്ര നിരക്ക് 6000 രൂപയോടടുത്തെത്തി.സഭാ നടപടികള്‍ നിര്‍ത്തിവെച്ച് വിഷയം ചര്‍ച്ച ചെയ്യണമെന്നും ആവശ്യപ്പെട്ട് ബെന്നി ബഹനാന്‍ ലോക്‌സഭയില്‍ അടിയന്തര പ്രമേയ നോട്ടീസ് നല്‍കി.
