സംസ്ഥാന ശാസ്ത്ര സാങ്കേതിക മേഖലയുടെ സുവര്‍ണ ജുബിലി ആഘോഷത്തിന്റെ ഭാഗമായി ദേശീയ ഗതാഗത ആസൂത്രണ ഗവേഷണ കേന്ദ്രം മെയ് 23 മുതല്‍ 27 വരെ ഓപ്പണ്‍ ഹൗസ് സംഘടിപ്പിക്കുന്നു. സുസ്ഥിര സുരക്ഷിത ഗതാഗതത്തിനായി നിരവധി ഗവേഷണങ്ങള്‍ നടത്തുന്ന ദേശീയ ഗതാഗത ആസൂത്രണ ഗവേഷണ കേന്ദ്രത്തിന്റെ വിവിധ ഗവേഷണ ലാബുകള്‍, സര്‍വ്വേ ഉപകരണങ്ങള്‍, റോഡ് സുരക്ഷാ സാമഗ്രികള്‍ എന്നിവയുടെ പ്രദര്‍ശനവും മേഖലയിലെ പ്രമുഖരുമായി സംവദിക്കാനുള്ള അവസരവും ഓപ്പണ്‍ ഹൗസില്‍ ഒരുങ്ങും. പൊതുജനങ്ങള്‍ക്കും വിദ്യാര്‍ത്ഥികള്‍ക്കും പങ്കെടുക്കാന്‍ അവസരമുണ്ട്.
