സംസ്ഥാനത്തെ സ്കൂളുകള്‍ ജൂണ്‍ ഒന്നിന് തുറക്കാനിരിക്കേ മുന്നൊരുക്കങ്ങളെക്കുറിച്ചുള്ള ആലോചനകള്‍ക്കായി ജില്ലാതല ഉന്നതയോഗം ചേര്‍ന്നു. ജില്ലാപഞ്ചായത്ത് മിനി കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ ജില്ലാ പഞ്ചായത്ത് പ്രസിഡന്റ് പി.കെ ഡേവിസ് മാസ്റ്റര്‍ അധ്യക്ഷത വഹിച്ചു. കളിമുറ്റമൊരുക്കാം വിദ്യാലയ ശുചീകരണ പരിപാടിയുടെ ജില്ലാതല ഉദ്ഘാടനം നന്തിക്കര ഗവണ്‍മെന്റ് ഹയര്‍സെക്കന്ററി സ്കൂളിലും ജില്ലാതല പ്രവേശനോത്സവം ജി.എല്‍.പി.എസ് പട്ടിക്കാട്, ജി.എച്ച്.എസ്.എസ് പട്ടിക്കാട് എന്നിവിടങ്ങളിലും വെച്ച് നടത്താൻ യോഗത്തിൽ തീരുമാനമായി.
ജില്ലാ ആസൂത്രണ സമിതിയുടെ നേതൃത്വത്തിലും ജില്ലാകളക്ടറുടെ നിര്‍ദ്ദേശത്തിന്റെ അടിസ്ഥാനത്തിലുമായിരുന്നു യോഗം ചേര്‍ന്നത്. സ്കൂള്‍ തുറക്കുന്നതുമായി ബന്ധപ്പെട്ട വിവിധ വിഷയങ്ങള്‍ യോഗം ചര്‍ച്ച ചെയ്തു. വിദ്യാഭ്യാസ ഉപഡയറക്ടര്‍ ടി.വി. മദനമോഹനന്‍ സ്വാഗതം ആശംസിച്ചു. വിവിധ വകുപ്പുകളെ പ്രതിനിധീകരിച്ച് വിജയകുമാര്‍ കെ, എ.എസ്. പ്രമോദ്, രാധാകൃഷ്ണന്‍ കെ, ഡോ. ബിനോയ് എന്‍.ജെ(എസ്.എസ്.കെ-ഡി.പി.സി), ഡോ. ഡി. ശ്രീജ (ഡയറ്റ് പ്രിന്‍സിപ്പല്‍), മനോജ്കുമാര്‍ പി.വി (ഡി.ഇ.ഒ, തൃശ്ശൂര്‍), വിജീഷ് സി.എ, ലിസ്സ ജെ. മങ്ങാട്, ശശിധരന്‍ ഇ, രവീന്ദ്രന്‍ കെ.ആര്‍, ബാലകൃഷ്ണന്‍ പി.എം, വി. മനോജ്, പ്രേമന്‍ പി.എം, മനോജ് എന്‍.എസ്, തുടങ്ങിയവര്‍ യോഗത്തില്‍ പങ്കെടുത്തു.
