ഒരുപാട് കുരുന്നുകൾക്ക് ആദ്യാക്ഷരം പകർന്നുനൽകി 22 വർഷത്തെ സേവനത്തിനുശേഷം പടിയിറങ്ങുന്ന വി.കെ പത്മിനി ടീച്ചറെ ആദരിച്ചു.
ആട്ടോർ: കോലഴി ഗ്രാമപഞ്ചായത്തിലെ 156 നമ്പർ മാതൃക അംഗൻവാടിയിൽ നിന്ന് ഒരുപാട് കുരുന്നുകൾക്ക് ഹരിശ്രീ കുറിച്ച് 22 വർഷത്തെ സേവനത്തിനു ശേഷം അംഗൻവാടിയിൽ നിന്നും പടിയിറങ്ങുന്ന വി .കെ പത്മിനി ടീച്ചറെ ആദരിക്കാൻ ആട്ടോർ അയ്യപ്പൻ നാടൻ കലാസമിതി പ്രവർത്തകർ എത്തി.ആട്ടോർ ഗ്രാമത്തിൻറെ നിറദീപം ആയിരുന്ന അംഗൻവാടി പൊതുസമൂഹത്തിന് മാതൃക യാക്കി തീർത്ത പത്മിനി ടീച്ചറുടെ സംഭാവനകൾ വിലപ്പെട്ടതാണ് എന്ന് ടീച്ചറെ പൊന്നാട അണിയിച്ച് ആദരിച്ച് സമിതി പ്രസിഡണ്ട് ബിജു ആട്ടോർ പറഞ്ഞു.വാർഡ് മെമ്പർ ഉഷാ രവീന്ദ്രൻ, പി.വി. സുധീർ, സമിതി വൈസ് പ്രസിഡണ്ട് വിബീഷ് പി . പരമേശ്വരൻ, സെക്രട്ടറി സുമതി ബാലൻ, ശങ്കരൻകുട്ടി.ടി.എ. ,എം. എ പരമേശ്വരൻ, എന്നിവർ പ്രസംഗിച്ചു . സ്ത്രീകളും കുട്ടികളും ഉൾപ്പെടെ നിരവധി പേർ പരിപാടിയിൽ പങ്കെടുത്തു
ആട്ടോർ
29-4-2022 സെക്രട്ടറി
