പത്തനംതിട്ട: ശബരിമലയില് മാളികപ്പുറം കതിനക്കളത്തിലുണ്ടായത് തീപിടിത്തമെന്ന് പത്തനംതിട്ട കലക്ടറുടെ റിപ്പോര്ട്ട്. വീണ്ടും വിശദമായ പരിശോധന നടത്തണമെന്ന് റിപ്പോര്ട്ടില് പറയുന്നു. പ്രാഥമിക റിപ്പോര്ട്ട് സര്ക്കാരിന് കൈമാറി. ഹൈക്കോടതിക്കും നല്കും.
കഴിഞ്ഞ ദിവസം കതിന പൊട്ടിയുണ്ടായ അപകടത്തില് മൂന്നുപേര്ക്ക് പരുക്കേറ്റിരുന്നു. മാളികപ്പുറത്തിനു സമീപം വെടിവഴിപാടിനുള്ള കതിന നിറയ്ക്കുന്നതനിടെയാണ് പൊട്ടിത്തെറിയുണ്ടായത്. പൊട്ടിത്തെറിയില് മാളികപ്പുറം ഇന്സിനറേറ്ററിന്റെ ഭാഗം കുലുങ്ങി. തീ ആളിക്കത്തിയത് തൊട്ടടുത്ത മരത്തിലേക്കും പടര്ന്നു.
മാളികപ്പുറത്തേത് തീപിടിത്തം; വീണ്ടും വിശദമായ പരിശോധന നടത്തണം
- Advertisement -