തിരുവനന്തപുരം: ബഫര് സോണ് വിഷയത്തില് സര്ക്കാരിനെതിരെ തെറ്റായ പ്രചാരവേലയെന്ന് സിപിഎം. ഉപഗ്രഹ സഹായത്തോടെ തയാറാക്കിയത് പ്രാഥമിക റിപ്പോര്ട്ട് മാത്രമാണ്. ഇതില് വിട്ടുപോയവ ഫീല്ഡ് സര്വേയില് കൂട്ടിച്ചേര്ക്കുമെന്ന് സര്ക്കാര് വ്യക്തമാക്കിയിട്ടുണ്ട്.
പരാതി അറിയിക്കാനുള്ള സമയം നീട്ടി നല്കുമെന്നു വ്യക്തമാക്കിയിട്ടും സര്ക്കാരിനെതിരെ തെറ്റായ പ്രചാരവേലയുമായി ഇറങ്ങിയിരിക്കുന്നവരുടെ താല്പര്യം തിരിച്ചറിയണം. പരിസ്ഥിതിയും ജനങ്ങളുടെ ആവാസ വ്യവസ്ഥയും സംരക്ഷിക്കുന്നതിനുള്ള നടപടികളാണ് ഉണ്ടാകേണ്ടതെന്നും സിപിഎം സംസ്ഥാന സെക്രട്ടേറിയറ്റ് വാര്ത്താക്കുറിപ്പില് വ്യക്തമാക്കി.