30 C
Thrissur
ചൊവ്വാഴ്‌ച, ഒക്ടോബർ 4, 2022

മലയാളം ഇന്റർനെറ്റ് പതിപ്പ്

www.general.com.in

- പരസ്യം -

അളഗപ്പനഗറിൽ ആഴ്ച ചന്ത വീണ്ടും സജീവമാകുന്നു

വായിരിച്ചിരിക്കേണ്ടവ

 

അളഗപ്പനഗർ പഞ്ചായത്തിലെ പച്ചക്കറി ആഴ്ച ചന്ത ഒരു ഇടവേളയ്ക്ക് ശേഷം വീണ്ടും സജീവമാകുന്നു. അളഗപ്പനഗർ കൃഷിഭവന് കീഴിൽ രജിസ്റ്റർ ചെയ്ത നീലിമ ക്ലസ്റ്ററിലെ  20 കർഷകരടങ്ങുന്ന സംഘടനയാണ് വിഷരഹിത പച്ചക്കറികൾ വിൽക്കുന്നത്. രാസവളങ്ങൾ ഉപയോഗിക്കാതെ വിളയിച്ചെടുത്തതാണ് ഓരോ പച്ചക്കറിയും എന്നതാണ് ചന്തയുടെ പ്രത്യേകത. ഇടനിലക്കാരില്ലാതെ കർഷകരിൽ നിന്ന് തന്നെ നേരിട്ട് വാങ്ങിയാണ് വിൽപ്പന.

പഞ്ചായത്തിലെയും  പരിസരപ്രദേശങ്ങളിലെയും കർഷകരിൽ നിന്ന് ശേഖരിച്ച പച്ചക്കറികളാണ് ചന്തയിൽ വിൽക്കുന്നത്. പഞ്ചായത്ത് മുറ്റത്ത് ഒരുക്കിയ ആഴ്ച ചന്തയിൽ കാച്ചിൽ, കപ്പ തുടങ്ങിയ കിഴങ്ങുവർഗ്ഗങ്ങളും മുരിങ്ങക്ക, ഏത്തയ്ക്ക, തക്കാളി, മത്തൻ, കുമ്പളം തുടങ്ങി വിവിധ ഇനം പച്ചക്കറികളും ലഭ്യമാണ്. വിപണി വില അറിഞ്ഞാണ് ആഴ്ച ചന്തയിൽ വില നിശ്ചയിക്കുന്നത്. വിറ്റവില കർഷകന് തന്നെ സ്വന്തം.

മൂന്ന് വർഷമായി സജീവമായി നടത്തിയിരുന്ന ആഴ്ച ചന്ത കോവിഡ് സാഹചര്യത്തിലാണ് നിർത്തിവെച്ചത്.
ആഴ്ചചന്ത നിർത്തലാക്കിയത് സാധാരണക്കാരെ വലച്ചിരുന്നു. നാട്ടുകാരുടെ കൂടി പിന്തുണയോടെയാണ് ചന്ത വീണ്ടും സജീവമാകുന്നത്. എല്ലാ ചൊവാഴ്ചകളിലുമാണ് പച്ചക്കറി ചന്ത പഞ്ചായത്തിൽ പ്രവർത്തിക്കുന്നത്. വിഷം നിറഞ്ഞ പച്ചക്കറിയുടെ ഉപയോഗം കുറയ്ക്കുക, ജൈവ പച്ചക്കറി കൃഷി പ്രോത്സാഹിപ്പിക്കുക എന്നിവയും ചന്തയിലൂടെ ലക്ഷ്യമിടുന്നുണ്ട്.

- Advertisement -

കൂടുതൽ ലേഖനങ്ങൾ

- Advertisement -
- Advertisement -

പുതിയ ലേഖനങ്ങൾ

- Advertisement -